Irakurtzearen garrantzia

Praktikaldietako esperientziak ikasleen artean gabezia orokor bat dutelako ikusteko aukera eman dit eta hori irakurketaren atala da, batez ere euskaraz. Ziklo ezberdinetako klaseetan liburu ezberdinak irakurri dituzte eta, ez dakit liburuaren aukeraketagatik edota motibazio faltagatik izan den. Kontua da, arazo bat ikusi dudala eta horri aurre egitea gustatuko litzaidakeela.

Nire ustetan, arazoetako bat irakurmena azterketarekin lotzea izango litzateke. Ikasleak irakurketarekin hasten direnean azterketa daukate buruan eta horrek ez du batere laguntzen irakurketa bat gozatzerako orduan. Horregatik, ondorengo parrafoan azterketaz beste eratako jarduerak edo ekintzetaz arituko naiz irakurketa sustazeko asmoarekin.

Batetik, tertulia literarioak oso jarduera interesgarria iruditzen zait ikasleen artean ahozkoa lantzeko eta euren artean errespetuz eta gogotsu liburuan agertzen diren ideia garrantzitsuetaz aritzeko. Beste alde batetik, booktrailerrakn ere oso tresna erabilgarria iruditzen zait. Izan ere, liburua irakurtzeaz gain IKT tresnekin jolasteko aukera ematen die edota beste ikasgaiekin lotzeko aukera, alegia. Bukatzeko, ikasle bakoitzak baditu bere ezaugarri positiboak eta hoiek bultzatzea oso ideia ona iruditzen zait. Hau da, norbaitek gitarra jotzen badu eta beste batek abestu, kanta bat egin dezakete liburuaren inguruan edota norbaitek ondo marrazten badu komiki bat. Azkenean, ikasleengan motibazioa piztu behar da eta horrelako ariketek laguntzen dutela iruditzen zait.

Laburbilduz, irakurketa bultzatzen jarraitu behar dugula iruditzen zait eta horretarako jarduera eta ekintza ezberdinak daudela ikusi dugu. Beraz, erabil ditzagun eta has gaitezen gure ikasleei irakurketak duen magia eta xarma erakusten.